ਮਹਿੰਦੀ ਗੌਰਜਾਂ ਨੇ ਲਾਈ ਹੋਈ ਏ
ਮਹਿੰਦੀ, ਗੌਰਜਾਂ ਨੇ, ਲਾਈ ਹੋਈ ਏ,
ਜੰਞ, ਭੋਲੇ ਜੀ ਦੀ, ਆਈ ਹੋਈ ਏ ll
ਕੀਂ ਹੈ, ਭੋਲੇ ਦੀ ਨਿਸ਼ਾਨੀ,
ਗੱਲ ਸਰਪਾਂ ਦੀ ਗਾਨੀ ll
ਪਿੰਡੇ, ਭਸਮ, ਰਮਾਈ ਹੋਈ ਏ,
ਜੰਞ, ਭੋਲੇ ਜੀ ਦੀ, ਆਈ ਹੋਈ ਏ l
ਮਹਿੰਦੀ, ਗੌਰਜਾਂ ਨੇ…
ਦੇਖੋ, ਭੋਲੇ ਦੇ, ਬਰਾਤੀ,
ਨਾ ਕੋਈ ਘੋੜਾ, ਨਾ ਕੋਈ ਹਾਥੀ ll
ਐਸੀ, ਰੌਣਕ, ਲਗਾਈ ਹੋਈ ਏ,
ਜੰਞ, ਭੋਲੇ ਜੀ ਦੀ, ਆਈ ਹੋਈ ਏ l
ਮਹਿੰਦੀ, ਗੌਰਜਾਂ ਨੇ…
ਜੋ ਹੈ, ਗੌਰਾਂ ਮਾਂ ਦਾ, ਸੁਆਮੀ,
ਓਹ ਤਾਂ, ਹੈ ਅੰਤਰਯਾਮੀ ll
ਗੌਰਾਂ, ਫ਼ੁੱਲਾਂ ਨਾਲ, ਸਜਾਈ ਹੋਈ ਏ,
ਜੰਞ, ਭੋਲੇ ਜੀ ਦੀ, ਆਈ ਹੋਈ ਏ l
ਮਹਿੰਦੀ, ਗੌਰਜਾਂ ਨੇ…
ਓਹ ਤਾਂ, ਕੈਲਾਸ਼ ਦਾ ਵਾਸੀ,
ਓਹ ਤਾਂ, ਘਟ ਘਟ ਦਾ ਵਾਸੀ ll
ਭੰਗ, ਸਭ ਨੂੰ, ਪਿਲਾਈ ਹੋਈ ਏ,
ਜੰਞ, ਭੋਲੇ ਜੀ ਦੀ, ਆਈ ਹੋਈ ਏ l
ਮਹਿੰਦੀ, ਗੌਰਜਾਂ ਨੇ…
ਹਰ ਹਰ ਮਹਾਂਦੇਵ